Dásamleg dönsk sveit

Nú er ég staddur í bænum Skjern á Jótlandi í Danmörku. Þar dveljum við í húsi Vignis, bróður hennar Rósu, sem spilar hér handbolta. Þetta er frábært umhverfi til að vera í fríi. Vignir er sjálfur fjarri góðu gamni en auk okkar fjölskyldunnar er vinafólk okkar líka hér - hjón með unglingsstúlku og tvo stráka, sex og þriggja ára. Við fórum í Legoland á fimmtudaginn sem var mjög skemmtilegt en annars hefur þetta verið að mestu.

Mér skilst að á þessum ferðum erlendis hafi ég misst af einni mestu veðurblíðu síðari ára í höfuðborginni. Mér er bara slétt sama. Ég hefði aldrei náð að slappa svona vel af á Íslandi - maður hefði alltaf verið með hugann við vinnuna.

Það er samt einn galli við svona frí - þau eru alltof fljót að líða.

Athugasemdir

[Jói (IP-tala skráð) 16.7.2007 kl. 14:18]

Hafið það sem allra best í fríinu! Maður er orðinn ágætlega bakaður en það á að fara að rigna hér á fimmtudaginn. Hentugt að þá flýg ég einmitt út til Þýskalands!

[Hallgrímur Indriðason, 16.7.2007 kl. 20:28]

Takk fyrir það. Í dag er einmitt búinn að vera kæfandi hiti hérna og vökvinn sem sprottið hefur úr líkamanum í dag hefði sennilega dugað til að fylla heila sundlaug.

En ljúft er blessað fríið. Takk fyrir kveðjuna og góða skemmtun í Þýskalandi.