Var ég úti á þekju?

Niðurstöður könnunar Gallup fyrir Fjölmiðlavaktina um stærsta fréttamálið 2006 verða að teljast mjög athyglisverðar. Langflestir telja Baugsmálið stærsta fréttamálið, en á eftir koma Kárahnjúkar og Byrgið. Önnur mál sem nefnd voru eru meðal annars olíusamráð, fjölmiðlafrumvarpið, Árni Johnsen, og hlutafélagavæðing RÚV.

Var fólki þá slétt sama um að herinn væri að fara og að Halldór Ásgrímsson sagði af sér? Eða var fólk kannski bara búið að gleyma því?

Þessi tvö mál voru þau sem mestur tími fór í í innlendum fréttaannál Fréttastofu Útvarpsins, sem ég sá um. Kannski var ég bara gjörsamlega úti á þekju þegar ég ákvað að eyða svona miklu plássi í þessi mál?

Baugsmálið stærsta fréttamálið 2006 að mati almennings

Athugasemdir

[Björg K. Sigurðardóttir, 8.1.2007 kl. 15:20]

Það má kannski líka nefna DV málið í upphafi ársins 2006. Það var mjög stórt fjölmiðlamál.

[Hallgrímur Indriðason, 8.1.2007 kl. 21:39]

Akkúrat.

Þetta ár var nefnilega óvenju stórt fréttaár, og þess vegna vekur það undrun að það sé Baugsmálið sem standi upp úr hjá þjóðinni. Það voru að mínu mati margar mun stærri fréttir á þessu ári.